1. Val og avmarking av evninum

1. HUGAROK
   Ger hugarok kring evnið við at kanna keldurnar kring teg og við til dømis at fylgja við í tíðindum og við at lesa bloggar.
2. FINN LYKLAORÐ
   Avmarka hugskotið ella fyribrigdið, tú vilt arbeiða við → finn røtt fak- og leitorð → skift út ella legg hugtøk afturat fyri at avmarka og fokusera leitiúrslitini.
3. VAL AV FAKORÐUM
   Neyðugt er við fakorðum; orðum, ið hava við evnið at gera, fyri at kunna leita skipað eftir kunning um títt evni. Fakorðini eru natúrliga lyklaorð, ið hava við títt evni at gera, og við at brúka tey kanst tú koma fram á bøkur, greinar og upplýsingar á internetinum annars um títt evni. 
   Tú kanst finna fakorð við at byrja við at skriva upp gerandisorð, ið lýsa títt evni. Um tú leitar við hesum orðum í eini samheitisorðabók, fært du beinraknari, vísindalig frøðiorð. Tú kanst eisini seta orðini saman á einum hugtakskorti fyri at fáa betri yvirlit yvir evnið.
4. VAL AV SJÓNARHORNI
   Vel hvat sjónarhorn verður brúkt í tínum arbeiði. Tú kanst til dømis grundgeva fyri ella ímóti, ella fara frá dømi til niðurstøðu.
    

Hugskot til uppgávuna:

Til ber í felag við onnur at venja seg at leita eftir kunning um evnið, ið verður viðgjørt í undirvísingartímanum ella í uppgávuni. Um ein vil, kann ein skipa venjingina sum eina kapping, og kappast um, hvør er kvikast/ur at koma fram á ta kunningina, ið spurd verður eftir.

Alkuun